დედოფლისწყაროს ცენტრალურ ბიბლიოთეკაში ბავშვთა დაცვის საერთაშორისო დღისადმი მიძღვნილი ღონისძიება გაიმართა. ღონისძიებაზე ქ. დედოფლისწყაროს N 2 საბავშვო ბაღის აღსაზრდელებმა მუსიკალური და მხატვრული ნომრები წარმოადგინეს. პატარებს ბავშვთა დაცვის დღე დედოფლისწყაროს მუნიციპალიტეტის მერმა ნიკოლოზ ჯანიაშვილმა, მერის მოადგილემ, მალხაზ მერაბიშვილმა, საკრებულოს სოციალური, კულტურის, განათლების და ახალგაზრდულ საქმეთა კომისიის თავმჯდომარემ მიხეილ ბახუტაშვილმა და ბიბლიოთეკის თანამშრომლებმა მიულოცეს.
,, დღეს, ბავშვთა დაცვის დღეცაა და ნინოობაც. წმინდა ნინოს მადლი და მფარველობა არასოდეს მოკლებოდეს ამ არაჩვეულებრივ პატარებს , მათ მეგობრებს, სრულიად საქართველოსა და მსოფლიოს ბავშვებს. ჩვენ ყველაფერი უნდა გავაკეთოთ მათი ბედნიერი მომავლისათვის. მშვიდობას და ბედნიერ ბავშვობას გისურვებთ . მადლობას გიხდით ამ დღის გაფერადებისათვის“-აღნიშნა ნიკოლოზ ჯანიაშვილმა.
ბავშვთა დაცვის საერთაშორისო დღე დედოფლისწყაროს მუნიციპალიტეტში სხვადასხვა ღონისძიებით აღინიშნა. ღონისძიებები მუნიციპალიტეტის მერიისა და საკრებულოს ორგანიზებით ჩატარდა.
პოლიტიკოსების პასუხისმგებლობა ძალიან დიდია, სამწუხაროა, რომ ისინი სწირავენ ადამიანებს, მათ შორის...