IMG.GE IMG.GE

დაავადებათა კონტროლის ცენტრის ხელმძღვანელის, ამირან გამყრელიძის ინფორმაციით, 4000 მედიკოსი ინფექციურ დაავადებათა პრევენციისა და მართვის საკითხებში გადამზადდება. როგორც გამყრელიძემ ჟურნალისტებს განუცხადა, სწავლებას 37 სამედიცინო დაწესებულებისა და დაავადებათა კონტროლის 60 რეგიონული ოფისის პერსონალი გაივლის.

უნდა მივეჩვიოთ, რომ უწყვეტი სამედიცინო განათლებისა და უწყვეტი პროფესიული მზადების სისტემა სამედიცინო პრაქტიკაში უნდა იყოს სავალდებულო.

მიუხედავად იმისა, რომ ჩვენ ქვეყანაში სხვა ქვეყნებთან შედარებით სიტუაცია შედარებით მშვიდია COVID19-თან დაკავშირებით, დამშვიდების საფუძველი არ გვაქვს და სერიოზულად უნდა მოემზადოს ჯანდაცვის სექტორი,” – განაცხადა ამირან გამყრელიძემ.

მედპერსონალის უწყვეტი სამედიცინო განათლების ხელშეწყობის ფარგლებში, ექიმები და ექთნები ინფექციების კონტროლზე თეორიულ ცოდნას მიიღებენ და პრაქტიკულ უნარ-ჩვევებს განივითარებენ. ამოქმედდება ცხელი ხაზი, სადაც მედიკოსებს კონსულტაციას სპეციალისტები გაუწევენ. პროექტი დაავადებათა კონტროლის ინიციატივითა და გაეროს განვითარების პროგრამის, ასევე შვედეთის საელჩოს მხარდაჭერით ხორციელდება.

კომენტარის დატოვება
IMG.GE
გაზიარება