IMG.GE IMG.GE

ახალი ზელანდიის ჯანდაცვის მინისტრი თანამდებობიდან გადადგა. დეივიდ კლარკმა თანამდებობა კარანტინის წესების დარღვევის გამო დატოვა.

ახალი ზელანდიის ჯანდაცვის ყოფილმა მინისტრმა გადადგომის შესახებ განაცხადი რამდენიმე კვირის წინ გააკეთა, თუმცა ქვეყნის პრემიერ-მინისტრმა, ჯასინდა არდერნმა კლარკის მოთხოვნა არ დააკმაყოფილა და განაცხადა, რომ ჯანდაცვის მინისტრის თანამდებობიდან წასვლა ქვეყანაში „კოვიდ-19“-ის გამო შექმნილ კრიზისს კიდევ უფრო გაამწვავებდა.

„სიენენის“ ინფორმაციით, დღეს ჯანდაცვის ყოფილმა მინისტრმა სამსახურიდან წასვლის თაობაზე განაცხადი ხელმეორედ გააკეთა, რაც პრემიერ-მინისტრმა დააკმაყოფილა.

დღეისათვის ახალ ზელანდიაში „კოვიდ-19“-ის 22 აქტიური შემთხვევა ფიქსირდება, მათ შორის საავადმყოფოში მხოლოდ ერთი პაციენტი იმყოფება. ქვეყნის მასშტაბით გამოვლენილია ინფიცირების სულ 1,528 შემთხვევა, გარდაცვლილია 22 ადამიანი.

კომენტარის დატოვება
IMG.GE
გაზიარება