ხელვაჩაურის მუნიციპალიტეტში, მაჭახლის ადმინისტრაციული ერთეულის სოფლებში, იაპონიის მთავრობის მხარდაჭერით და გაეროს განვითარების პროგრამის (UNDP) ფარგლებში, განახლებადი ენერგიის ტექნოლოგიები დაინერგა: მზის წყლის გამაცხელებლები და მზის პანელები.
პროექტის მიზანია მაჭახელას დაცულ ტერიტორიაზე უნიკალური ტყეების ეკოსისიტემის დაცვა და ტყის დეგრადაციის რისკის შემცირება, რაც საწვავი შეშის გადაჭარბებული გამოყენებით, კლიმატის ცვლილებითა და გლობალური კრიზისებით არის გამოწვეული.
აღნიშნული პროექტით მაჭახლის ხეობაში მცხოვრებმა 1350 მოქალაქემ ისარგებლა, პროექტი იაპონიის მთავრობის მიერ 594 486 აშშ დოლარით დაფინანსდა.
პროექტის მიმდინარეობას იაპონიის საელჩოს წარმომადგენელი, აჭარის სოფლის მეურნეობის, ხელვაჩაურის მერიის და მედის წარმომადგენლებთან ერთად ადგილზე გაეცნო.