ხელვაჩაურის მუნიციპალიტეტში, პროფესორ ალექსანდრე მსხალაძის სახელობის ,,მოსწავლეთა სტიპენდიის” ფარგლებში, ხელვაჩაურის მუნიციპალიტეტის მერმა ზაზა დიასამიძემ, წარმატებული მოსწავლეები დააჯილდოვა.
პროგრამა ხელვაჩაურის მუნიციპალიტეტის საჯარო სკოლის მოსწავლეების (X-XI-XII კლასი) დაფინანსებას ითვალისწინებს, რომელთაც საერთო შეფასება 9.8 და მეტი აქვთ, ჯამში 43 წარჩინებული მოსწავლე დაჯილდოვდა.
პროგრამა ხელვაჩაურის მუნიციპალიტეტში 2022 წლიდან ამოქმედდა, რომლის მიზანი მუნიციპალიტეტში მცხოვრები მოსწავლეების, წახალისებისა და პროფესორ ალექსანდრე მსხალაძის ღვაწლის დაფასებას ემსახურება.
დაჯილდოების ცერემონიას საკრებულოს თავმჯდომარე თენგიზ ირემაძე, უმაღლესი საბჭოს თავმჯდომარე დავით გაბაიძე, მერის მოადგილე მირიან კვირიტიძე, ხელვაჩაურის რესურსცენტრის ხელმძღვანელი ხათუნა დიდმანიძე, უმაღლსესი საბჭოს წევრები, საკრებულოს წევრები, ალექსანდრე მსხალაძის ოჯახის წევრები და მოწვეული სტუმრები ესწრებოდნენ.