მთავრობის ადმინისტრაციის ორგანიზებით ბახმაროში „მთის დღეები“ იმართება, რომელსაც გურიის მხარეში სახელმწიფო რწმუნებული გიორგი ურუშაძე, პირველ მოადგილესთან ქეთევან მოისწრაფეშვილთან, ჩოხატაურის მუნიციპალიტეტის მერთან დავით შარაშიძესთან და საკრებულოს თავმჯდომარე ირაკლი კუჭავასთან ერთად ესწრება. პარკის მიმდებარე ტერიტორიაზე მუსიკალური, გასართობი, შემეცნებითი და კულინარიული სივრცეებია მოწყობილი.
,,მთის დღეები 2024-ის“ ფარგლებში სამი წარმატებული მოქალაქე დაჯილდოვდება. საღამოს სტუმრების წინაშე წარდგება ანსამბლი „ქართული ხმები“. საფესტივალო პროგრამა კოცონთან, კვარტეტ „რანინას“ სიმღერით დასრულდება.