კარი ღიაა და ნატო აღებულ ვალდებულებებს შეასრულებს, – ამის შესახებ ვილნიუსში მიმდინარე ნატოს საპარლამენტო ასამბლეაზე, „ქრონიკას“ კონგრესმენი ნილ დანმა განუცხადა.
„კარი ღიაა და ნატო აღებულ ვალდებულებებს შეასრულებს. ფინეთსა და შვედეთს ნეიტრალიტეტი ჰქონდათ გამოცხადებული. რუსეთის ომმა მათ აჩვენა, რომ მეტი უსაფრთხოება სჭირდებათ და ნატოში გაწევრიანებაზე გააკეთეს განაცხადი. მათ დაინახეს რუსეთისგან მომავალი საფრთხე. ერთადერთი რაც მათ დაიცავს, ნატოში გაწევრიანებაა, რადგან მათზე გავრცელდება. ეს კი ნიშნავს დაცვასა და მეტ უსაფრთხოებას. ეს ნიშნავს, რომ თუ რუსეთი შეიჭრება ნატოს წევრ ქვეყანაში, მაშინ ალიანსის ყველა წევრი გასცემს რუსეთს პასუხს“, – განაცხადა კონგრესმენმა.
ლიეტუვაში, ნატოს საპარლამენტო ასამბლეაზე კანონმდებლები რუსეთის აგრესიულ ქმედებებზე, უკრაინაში მიმდინარე ომზე და პარტნიორების დახმარებაზე მსჯელობენ. ვილნიუსში იმყოფება საქართველოს საპარლამენტო დელეგაცია.