მომღერალი გიორგი უშიკიშვილი “ლელო”-ს, ანა დოლიძის და მოძრაობა “თავისუფლების მოედნის” პოლიტიკური ერთობის წევრი გახდა. ამის შესახებ დღეს, ერთობლივ ღონისძიებაზე გახდა ცნობილი.
“ვფიქრობ, დღეს ყველამ უნდა გადადოს თავის ამბიციები და ჩვენი ამბიცია, პირველ რიგში უნდა უკავშირდებოდეს ჩვენი ქვეყნის ევროპულ მომავალს. სწორედ ამიტომ, ვდგები თქვენ გვერდით, რათა ჩემი და თქვენი შვილების მომავალი იყოს უკეთესი ჩვენ ევროპულ ოჯახში”- განაცხადა გიორგი უშიკიშვილმა.
შეგახსენებთ, დღეს კიდევ სამი პოლიტიკური პლატფორმა გაერთიანდა – ანა დოლიძე, პარტია “ლელო” და პლატფორმა “თავისუფლების მოედანი”.