ხელვაჩაურის მუნიციპალიტეტის მერმა ზაზა დიასამიძემ, მერის მოადგილეებთან და მერიის სამსახურის წარმომადგენლებთან ერთად, ,,ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველოს“ ახალი შენობა მოინახულა და სამუშაო პროცესს გაეცნო.
ორსართულიან შენობას გასულ წელს სარეაბილიტაციო- სამშენებლო სამუშაოები ჩაუტარდა, მოეწყო გათბობა-გაგრილების სისტემა, აღიჭურვა შესაბამისი ინვენტარით, შენობა ადაპტირებულია შშმ პირებისთვის.
მერმა, მუნიციპალური ინსპექციის, ინფრასტრუქტურისა და კეთილმოწყობის სამმართველოს თანამშრომლებს ახალი ოფისის გახსნა მიულოცა და ნაყოფიერი მუშაობა უსურვა ახალ სამუშაო გარემოში.