მოლოდინი ნამდვილად არ ყოფილა, თუმცა მოხდა ის, რაც მოხდა და პარტია „ნაციონალური მოძრაობის“ მიერ ბიუროზე საკითხები დაიბლოკა, – განაცხადა „ქრონიკასთან“ საუბრისას რუსთავის საკრებულოს ფრაქცია „ქართული ოცნების“ წევრმა თამარ გოგაძემ.
იგი რუსთავის საკრებულოს მიერ მერის ინიციატივით წარდგენილი პროექტების დაფინანსების ჩაგდების საკითხს გამოეხმაურა.
„ვფიქრობდით, ისეთი საკითხები იყო, რომელიც ქალაქის მოსახლეობისთვის, სტუდენტებისთვის, შშმ პირებისა და სოციალურად დაუცველობისთვის უმნიშვნელოვანესია და ბიუროზე ამ საკითხებს პრობლემები არ შეექმნებოდა. ამის მოლოდინი ნამდვილად არ ყოფილა, თუმცა მოხდა ის, რაც მოხდა და პარტია „ნაციონალური მოძრაობის“ მიერ ბიუროზე საკითხები დაიბლოკა და საკრებულოს სხდომისთვის აღარ შემოვიდა“, – განაცხადა რუსთავის საკრებულოს ფრაქცია „ქართული ოცნების“ წევრმა თამარ გოგაძემ.
რუსთავის მერის, ნინო ლაცაბიძის განცხადებით, საკრებულოს უმრავლესობაში მყოფმა „ნაციონალური მოძრაობისა“ და პარტია „საქართველოსთვის“ წევრებმა რუსთაველებისთვის მუნიციპალური სერვისების გაუმჯობესებას უარი უთხრეს.