IMG.GE IMG.GE

ახალგაზრდა მამაკაცს, რომელმაც მეგობარ გოგონას ბენზინი შეასხა და მისი დაწვა სცადა, ბრალი წაუყენეს განზრახ მკვლელობის მცდელობის მუხლით, რაც გულისხმობს განზრახ მკვლელობის მცდელობას ოჯახის წევრის მიმართ ჩადენილი განსაკუთრებული სისასტიკით.

გამოძიების შედეგად დადგინდა, რომ მამაკაცს განზრახული ჰქონდა განსაკუთრებული სისასტიკით – ცეცხლის წაკიდებით მოეკლა მასთან არარეგისტრირებულ ქორწინებაში მყოფი ახალგაზრდა ქალი.

2020 წლის 30 ივნისს, ღამის საათებში ბრალდებულმა დაზარალებული გაიყვანა მისი საცხოვრებელი სახლიდან და მიაყენა სიტყვიერი და ფიზიკური შეურაცხყოფა. ამის შემდეგ, ბენზინი მიასხა და ცეცხლი წაუკიდა.

ბრალდებული შემთხვევის ადგილიდან მიიმალა, ხოლო დაშავებულს ადგილზე შეკრებილი ადამიანები დაეხმარნენ.

ცეცხლის წაკიდების შედეგად, ახალგაზრდა ქალმა მიიღო მრავლობითი დამწვრობები და ძლიერი შოკი.

სამართალდამცველებმა მამაკაცი ცხელ კვალზე, საგარეჯოს რაიონში, სოფელ პატარძეულის მიმდებარე ტერიტორიაზე, იმავე დღეს დააკავეს.

სისხლის სამართლის საქმეზე გამოძიება გრძელდება. და წარდგენილი ბრალდება 16-დან 20 წლამდე თავისუფლების აღკვეთას ითვალისწინებს.

პროკურატურამ ბრალდებულ დაკავებული მამაკაცის მიმართ აღკვეთის ღონისძიების სახით პატიმრობის გამოყენების თაობაზე თბილისის საქალაქო სასამართლოს უკვე მიმართა.

კომენტარის დატოვება
IMG.GE
გაზიარება