ხელვაჩაურის მუნიციპალიტეტის მერიასა და თვალის დიაგნოსტიკურ ცენტრ „ოკულუს მედთან“ გაფორმებული ურთიერთთანამშრომლობის მემორანდუმის საფუძველზე მოსახლეობისთვის უფასო სამედიცინო გამოკვლევების აქცია დაიწყო.
დღეს, უფასო სამედიცინო გამოკვლევები პირველად კირნათის ადმინისტრაციულ ერთეულში მცხოვრებ მოსახლეობას ჩაუტარდა. აქციის ფარგლებში ადგილობრივ მოსახლეობას მომსახურება გაუწია კვალიფიციურმა ოფთალმოლოგმა.
გამოკვლევებით 40-მდე ადგილობრივმა მაცხოვრებელმა ისარგებლა. აქცია წლის ბოლომდე გაგრძელდება და თვალის უფასო კვლევები თვეში ოთხჯერ მუნიციპალიტეტის ყველა ადმინისტრაციულ ერთეულში გაიმართება.
გამოკვლევები ხელვაჩაურის მუნიციპალიტეტის ჯანმრთელობის დაცვის განყოფილების ინიციატივითა და ორგანიზებით ჩატარდა.