ირაკლი ღარიბაშვილის მეუღლის, ნუნუკა თამაზაშვილის გამოხმაურება ნოდარ მელაძის გადაცემაში გასულ რეპორტაჟზე, რომელიც მისი უფორის ვაჟის ამერიკიდან საქართველოში დაბრუნებას ეხება.
“ვუყურე მორიგ “ექსკლუზიურ სკანდალს” ნიკოს საზაფხულო არდადეგებზე თბილისში ჩამოსვლასთან დაკავშირებით თქვენი ინფორმაციისთვის მოკლედ დავწერ:
ნიკომ წარჩინებით დაამთავრა პირველი წელი და დაახლოებით 3 კვირის წინ დაბრუნდა თბილისში, ვინაიდან დაეწყო ზაფხულის არდადეგები, სულ ეს არის! ყველას ვუსურვებ შვილების ჯანმრთელობას, ბედნიერებას და წარმატებებს!”– წერს ნუნუკა თამაზაშვილი.
ნოდარ მელაძის გადაცემაში ნათქვამი იყო, რომ სანქციების დაწესების შემდეგ, ირაკლი ღარიბაშვილმა მისი ვაჟი სასწრაფოდ წამოიყვანა ამერიკიდან, სადაც ის სწავლობს.