პარტია „ხალხის ძალის“ წევრი დავით ქართველიშვილი სოციალურ ქსელში წერს, იმის შესახებ თუ რა ამოიკითხა მან ნატოს გენერალური მდივნის იენს სტოლტერბერგის მიერ საქართველოს შესახებ გაკეთებულ განცხადებაში.
მისივე თქმით, სტოლტერბერგი განცხადების გაკეთებისას ამბობდა ერთს და ფიქრობდა სხვა რამეს. „მაგრამ თლა მასე არ განაცხადა. თუმცა, მე ეს ამოვიკითხე…“ – აღნიშნავს ქართველიშვილი.
„სტოლტენბერგის განცხადების სრული ვერსია, როგორც ნაზავი იმისა, რას ფიქრობს და რას ამბობს, ალბათ ასეთი შინაარსის იქნებოდა: “იმსახურებს თუ არა საქართველო სანქციებს? რა თქმა უნდა – იმსახურებს. დემოკრატიის უკუსვლამ თქვენში ჩვენი უკიდურესი იმედგაცრუება გამოიწვია და იმდენად შეშფოთებულად აღვშფოთდით, როგორც ამას ნებისმიერი რუსული რეჟიმი და პუტინის კრემლის მანქანები გამოიწვევდნენ ჭეშმარიტი დასავლური ფასეულობების მქონე ორგანიზაციაში. მაგრამ, ამის მიუხედავად, საქართველო – პარტნიორია ჩვენი და მნიშვნელოვანია ვითანამშრომლოთ ისეთ პარტნიორ ქვეყანასთან, როგორიც საქართველოა. ალბათ გულის სიღრმეში ყველა ჩვენგანი სადღაც რუსეთუმე ან სტალინისტია, შეიძლება მაზოხისტებიც ვართ, ან ტოტალურად ვცრუობთ, ზუსტად ვერ გეტყვით. მაგრამ საქართველო – პარტნიორია ჩვენი!”, – ასე შეეძლო განეცხადებინა ნატოს გენერალურ მდივან, იენს სტოლტენბერგს, მაგრამ თლა მასე არ განაცხადა. თუმცა, მე ეს ამოვიკითხე…“ – წერს ქართველიშვილი.