„გირჩის“ წევრი ჰერმან საბო ირაკლი კობახიძის განცხადებას გამოეხმაურა, რომელმაც დღეს აღნიშნა, რომ რადიკალური ოპოზიციის წარმომადგენლები ევროკავშირში საქართველოს საწინააღმდეგო კამპანიას ახორციელებენ.
„იქიდან გამომდინარე, რომ არც ხელისუფლებისა და არც ოპოზიციის დიდი ნაწილის მიმართ რაიმე განსაკუთრებულ ინდობა არ გვაქვს, შეიძლება მართლა არის ასეთი შემთხვევები, და ძალიან ცუდია, თუ არის, შეიძლება არც არის. ძალიან ცუდია თუ ვინმეს არ აწყობს, რომ „ქართული ოცნების“ პერიოდში მიიღოს საქართველომ ევროკავშირის წევრი ქვეყნის კანდიდატის სტატუსი. მაგრამ მე არ მგონია, რომ ეს ზოგადად მთელი ოპოზიციის სულისკვეთება იყოს“, – განაცხადა საბომ.
ირაკლი კობახიძემ განაცხადა, რომ „ქართულ ოცნებას“ აქვს ინფორმაცია კონკრეტულ პოლიტიკოსებზე რადიკალური ოპოზიციიდან, რომლებიც ევროკავშირში აწარმოებენ აგიტაციას საქართველოს მიერ კანდიდატი ქვეყნის სტატუსის მიღების წინააღმდეგ.