ანალიტიკოსი გია აბაშიძე ეხმიანება პრემიერ-მინისტრ ირაკლი კობახიძის განცხადებას, რომლის თანახმად, ჩვენ გვჭირდება, ომის ნაცვლად მშვიდობა და სიძულვილის ნაცვლად სიყვარულით გაერთიანება.
ასევე ანალიტიკოსი აქვეყნებს ინფორმაციას უმუშევრობის მაჩვენებლის შემცირების შესახებ. მისი თქმით, მშვიდობიანი და სტაბილური განვითარება მუდმივად დადებითად აირეკლება ეკონომიკაში, მოქალაქეთა ცხოვრებაში, იზიდავს უცხოურ ინვესტიციებს და უფრო გვაახლოებს ქართველთა სანუკვარ იდეასთან – გამთლიანებასთან.
„მშვიდობიანი და სტაბილური განვითარება მუდმივად დადებითად აირეკლება ეკონომიკაში, მოქალაქეთა ცხოვრებაში, იზიდავს უცხოურ ინვესტიციებს, უფრო გვაახლოებს ქართველთა სანუკვარ იდეასთან – გამთლიანებასთან. გლობალურ პოლიტიკაში შესაძლებლობათა სარკმელი ხშირად იღება, რაც დინჯი და ფილიგრანული მიდგომით უნდა გამოვიყენოთ. ხოლო ვისაც შურს “ომის პარტიის” მიერ გავერანებული უკრაინელების, რომლებსაც მშვიდობასა და აღორძინებას ვუსურვებ, წაბრძანდეს უკრაინაში და დაეხმაროს მათ, რითიც შეუძლია“, – წერს აბაშიძე.