საქართველოს ეტლით მოფარიკავე ქალთა ნაკრებმა გუნდმა ტაილანდის მსოფლიო თასის გათამაშებაზე ასპარეზობა წარმატებით დაასრულა.
ნაკრებმა, გუნდურ შეჯიბრში, (რაპირა) ფინალურ ბრძოლაში, იტალიის ნაკრები დაამარცხა და ოქროს მედლის მფლობელი გახდა.
„ვულოცავთ ჩვენს სახელოვან პარამოფარიკავეებს – ირმა ხეცურიანს, ნინა თიბილაშვილს, გვანცა ზადიშვილს, მთავარ მწვრთნელს მალხაზ მესხს, გულშემატკივრებს ამ გამარჯვებას და მომავალშიც წარმატებებს ვუსურვებთ“, – აღნიშნულია პარალიმპიური კომიტეტის განცხადებაში.