იურიდიულ საკითხთა კომიტეტის სხდომაზე, სადაც გამჭვირვალობის შესახებ კანონპროექტს განიხილავენ, დეპუტატებს შორის დაპირისპირება იყო.
„ევროოპტიმისტების“ ერთ-ერთმა ლიდერმა ხატია დეკანოიძემ უმრავლესობის წევრ გურამ მაჭარაშვილს წყლის ბოთლი მოუქნია. დეკანოიძის გაღიზიანება მაჭარაშვილის რეპლიკას მოჰყვა, რომელმაც ოპოზიციონერ დეპუტატს სამშობლოს გამყიდველი უწოდა და თქვა, რომ დეკანოიძემ უკრაინის მოქალაქეობის სანაცვლოდ დათმო საქართველოს მოქალაქეობა.