„ეტალონი“, ხელვაჩაურის მუნიციპალიტეტს ესტუმრა

“ეტალონის“ ტრადიციული, ფორმატისადმი მაღალი ინტერესიდან გამომდინარე შემუშავდა ახალი, ინოვაციური პროექტი: „ეტალონის“ პრინციპებზე დაყრდნობით, „ეტალონის გუნდური ჩემპიონატი“.

ხელვაჩაურის მუნიციპალიტეტის სკოლების მე-6, მე-7 კლასების მოსწავლეებისგან დაკომპლექტებულ გუნდებს შორის შეჯიბრი გაიმართა, ისინი ერთმანეთს თანამედროვე ტექნოლოგიების გამოყენებით „ხელვაჩაურის ეტალონი გუნდის“ ტიტულისთვის შეეჯიბრნენ, საპრიზო ადგილები შემდეგნაირად გადანაწილდა:

I ადგილი – ჩხუტუნეთის საჯარო სკოლა.

II ადგილი – ორთაბათუმის საჯარო სკოლა

III ადგილი – ფერიის საჯარო სკოლა

ტურნირს, ხელვაჩაურის მუნიციპალიტეტის მერიის სამსახურის წარმომადგენლები, ხელვაჩაურის რესურსცენტრის წარმომადგენლები და სკოლის დირექტორები ესწრებოდნენ, ღონისძიების მხარდამჭერი და თანაორგანიზატორი ხელვაჩაურის მუნიციპალიტეტის მერიაა.

---