თბილისის საქალაქო ტრანსპორტში მგზავრობისას მამაკაცმა მეუღლე შვილების თვალწინ ყელის არეში დაჭრა.
ქალი შემთხვევის ადგილზე გარდაიცვალა. ადგილზე სასწრაფო დახმარების ბრიგადა და საპატრულო პოლიციის წარმომადგენლები იმყოფებოდნენ.
როგორც „იმედინიუსს“ შინაგან საქმეთა სამინისტროში განუცხადეს, პოლიციამ დანაშაულში ბრალდებული პირი შემთხვევის ადგილზევე დააკავა.
გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.