„იმედის კვირას“ მოქალაქემ მიაწოდა მტკიცებულება, თუ როგორ ესაუბრება ელენე ხოშტარიას დედა შუამავალს მოსკოვში და უხსნის, როგორ განახორციელოს მორიგი ტრანზაქცია რუსეთიდან.
საუბარია რუბლებზე, რომელსაც ხოშტარების ოჯახი უკვე წლებია რუსეთის ფედერალური ბიუჯეტიდან იღებს და მასზე უარი არც მაშინ უთქვამთ, როცა რუსეთი უკრაინაში შეიჭრა და ამის გამო ელენე ხოშტარია საქართველოსგან რუსეთისთვის სანქციების დაწესებას მოითხოვდა.
მოქალაქე თბილისში ერთ-ერთ კაფეში აღმოჩნდა იმ მაგიდის გვერდით, რომელთანაც ხოშტარიას მშობლები ისხდნენ. სკანდალური ჩანაწერიდან ჩანს, რომ ხოშტარიას დედა მოსკოვში თეატრალურ აგენტს უკავშირდება და ფულის გადმორიცხვას სთხოვს. ის წერს, რომ ოჯახი მზად არის თანხა, როგორც ადრე, რუბლებში მიიღოს.
„იმედის კვირა“ დაუკავშირდა თეატრალურ აგენტს, რომელსაც ხოშტარიას დედა ეკონტაქტებოდა და მან განაცხადა, რომ ტელეკომპანიას ინფორმაციას ორშაბათს მიაწვდის. ელენე ხოშტარიას მშობლებმა კი „იმედის კვირის“ კითხვებს აგრესიით უპასუხეს.