მე მაინც ვფიქრობ, რომ ამ კანონის შემოტანა არის გარკვეული ტესტი, შარშან რაც მოხდა, წელსაც იგივე განმეორდება? – ეს არის გარკვეული გაფრთხილება დონორებისთვის, რომ მოდით, არჩევნების წინ შავ ფულს აქ ნუ გამოუშვებთ, – ამის შესახებ გადაცემა „იმედი LIVE“-ში დამოუკიდებელმა ექსპერტმა, მაია ნიკოლეიშვილმა განაცხადა.
„ამ ახალგაზრდების დეჰუმანიზაცია ისევე ხდება, როგორც პოლიციელების. ლიდერებისთვის ისინი პაიკები არიან, მათი დეჰუმანიზაცია ზუსტად ისეა, როგორც მათ პოლიციელებს გაუკეთეს დეჰუმანიზაცია. ანუ ამ ახალგაზრდებისთვის პოლიციელი ადამიანი არ არის და იმ ლიდერებისთვის ესენი არ არიან ადამიანები, არამედ პაიკები არიან, რომელთა სისხლიც უნდა დაიღვაროს, ხომ ვნახეთ ამაზე მოწოდებები.
მე მაინც ვფიქრობ, რომ ამ კანონის შემოიტანა არის გარკვეული ტესტი, შარშან რაც მოხდა, წელსაც იგივე განმეორდება? არიან თუ არა უფრო მეტად მომზადებულები, იმ მოქმედებების უკან ჩვენ ფულს ვხედავთ, თუნდაც იმ ზურგჩანთებში რომ აირწინაღებია, ეს ფულია. ეს არის გარკვეული გაფრთხილება დონორებისთვის, მოდით არჩევნების წინ შავ ფულს აქ ნუ გამოუშვებთ. არც ის დავმალოთ, რომ ამ ფულიდან ძალიან დიდი თანხები გადის ჩვენს მეზობელ ქვეყანაში, სომხეთში, სადაც გარკვეული არეულობები იგეგმება. იმიტომაა აწრიალებული ყველა. ყირგიზეთში ეს კანონი რომ მიიღეს, სოროსის ფონდი ორ კვირაში წავიდაო, სოროსის ფონდი, რომელიც ვიცით რასაც აფინანსებს, ჩვეულებრივად გადატრიალებების დამფინანსებელია. ეს მათი გაფრთხილებაა, ამიტომ ეს ბრძოლა ჯობდა ახლა გადაგვეტანა, ვიდრე არჩევნების დროს მომხდარიყო“, – განაცხადა ნიკოლეიშვილმა.
About the Author
