სოფელ შუქრუთში პროტესტი შეწყდა

257
წაკითხვა/ნახვა

სოფელ შუქრუთის მოსახლეობის საპროტესტო აქციები შეწყდა. ინფორმაციას “ჯორჯიან მანგანეზი” ავრცელებს. კომპანიის ცნობით, მოხდა შეთანხმება.

“კონსტრუქციული მოლაპარაკებების შედეგად მხარეები შეთანხმდნენ, რომ ზიანის შეფასების შემთხვევაში მათ ექნებათ არჩევანის უფლება. ზიანის შეფასება განხორციელდეს არსებული მოდელით, რომლის შესახებ უკვე არსებობს ჩანაწერი სოფელს და კომპანიას შორის გაფორმებულ მემორანდუმში, ან მათივე მოთხოვნის მიხედვით ზიანის შეფასება უზრუნველყოს ლევან სამხარაულის სახელობის სასამართლო ექსპერტიზის ეროვნული ბიურომ.

მხარეებს შორის მიღწეული შეთანხმება დოკუმენტით დადასტურდა და მას იურიდიული ძალა აქვს. ინდივიდუალურ ხელშეკრულებებს თან ერთვის „ჯორჯიან მანგანეზის“ სპეციალური მმართველის და პროტესტის მონაწილეთა ხელმოწერები“, – აღნიშნულია კომპანიის მიერ გავრცელებულ ინფორმაციაში.

მოწონება