უცხოეთიდან დაფინანსებული არასამთავრობო სექტორისა და ცალკეული მედიასაშუალებების ისტერიული კამპანია გრძელდება, რომელიც უცხოური დაფინანსების გამჭვირვალობის კანონპროექტს ეხება.
ფეისბუქ სივრცეში აქტიურად იბლოკება ხელისუფლების მიერ განმარტებული ინფორმაცია კანონპროექტთან დაკავშირებით, სამაგიეროდ, აქტიურად ვრცელდება მხოლოდ მათი მოსაზრებები და პოზიციები.
უცხოური დაფინანსებით მომუშავე მედიები დასპონსორებულ პოსტებს ავრცელებენ, თითქოს კანონის მიღებით საქართველო დაკარგავს კანდიდატის სტატუსს, რომ საქართველოს უსაფრთხოება კითხვის ნიშნის ქვეშ დგას, მაგრამ რომელ უსაფრთხოებაზეა საუბარი, ამაზე არავინ ლაპარაკობს, რადგან საქართველო არ არის ალიანსის წევრი ქვეყანა, შესაბამისად, მას რომც დაემუქროს საფრთხე, ნატო ჩვენ დასაცავად ვერაფერს გააკეთებს.
კანონპროექტზე კომენტარი გააკეთებინეს დევიდ კრამერს, რომელიც 2008-09 წლებში ამერიკის სახელმწიფო მდივნის რიგითი თანაშემწის თანამდებობას იკავებდა.
კრამერმა თქვა, რომ კანონპროექტის მიღებით საქართველომ ამერიკას სილა გააწნა და იმედი გამოთქვა, რომ საერთაშორისო საზოგადოებას ამაზე ძლიერი უკურეაქცია ექნება.
კრამერი ამერიკის მთავრობას პირდაპირი და სწრაფი რეაგირებისკენ მოუწოდებს, რაც თავდაპირველად კანონპროექტის დაგმობას, ხოლო მეორე შემთხვევაში მეტი სანქციების დაწესებას გულისხმობს.