კრემლის ოფიციალურ ვებგვერდზე გამოქვეყნდა განცხადება, რომელშიც აღნიშნულია, რომ ფინური მხარის ინიციატივით, ვლადიმირ პუტინმა სატელეფონო საუბარი გამართა ფინეთის რესპუბლიკის პრეზიდენტ საული ნიინისტესთან.
„ვლადიმერ პუტინმა ხაზგასმით აღნიშნა, რომ სამხედრო ნეიტრალიტეტის პოლიტიკაზე უარის თქმა შეცდომაა, რადგან ფინეთის უსაფრთხოებას საფრთხე არ ემუქრება. ქვეყნის საგარეო პოლიტიკაში ამგვარმა ცვლილებამ შესაძლოა ნეგატიური გავლენა მოახდინოს რუსეთ-ფინეთის ურთიერთობებზე, რომლებიც მრავალი წლის განმავლობაში აგებული იყო კეთილმეზობლობისა და პარტნიორული თანამშრომლობის სულისკვეთებით და ორმხრივ მომგებიანი იყო“, – აღნიშნულია კრემლის განცხადებაში.
ფინეთის პრეზიდენტმა რუს კოლეგას შეატყობინა, რომ მისი ქვეყანა უახლოესი რამდენიმე დღის განმავლობაში ნატოში გასაწევრიანებლად განაცხადს შეიტანს.