ჩვენი ამოცანა არის, საკონსტიტუციო უმრავლესობის მიღება და ეს პროცესები, რომელიც ვითარდება, ჩვენ გვიზრდის ამის შანსს, – ასე შეაფასა პრემიერ-მინისტრმა ირაკლი კობახიძემ ნიკა გვარამიასა და ნიკა მელიას გაერთიანება.
„იქმნება რამდენიმე 2-3%-იანი ოპოზიციური პარტია, რაც გვაძლევს კარგ სურათს. საბოლოო ჯამში ჩვენი ამოცანა არის, საკონსტიტუციო უმრავლესობის მიღება და ეს პროცესები, რომელიც ვითარდება, ჩვენ გვიზრდის იმის შანსს, რომ მივიღოთ საკონსტიტუციო უმრავლესობა საქართველოს პარლამენტში. დაველოდებით მოვლენების განვითარებას. ჯერჯერობით ტენდენცია არის კარგი, იქმნება არაერთი 2%-იანი და 3%-იანი პარტია. ასეთ შემთხვევაში დაიკარგება მეტი ხმა ოპოზიციურ ფლანგზე, რაც ჩვენ მოგვცემს საკონსტიტუციო უმრავლესობის მიღების საშუალებას“, – აღნიშნა პრემიერმა.