სულ რამდენიმე დღეში გახდება ცნობილი, ვინ იქნება ამ პოლიტიკური პლატფორმის სასტარტო შემადგენლობაში, – ამის შესახებ „ნაცმოძრაობის“ ყოფილმა წევრმა, ნიკა მელიას თანაგუნდელმა, ბაჩო დოლიძემ განაცხადა.
„ჯანსაღად, პრაგმატულად მივუდექით საქმეს, ერთობლივად ვგეგმავთ ამ პოლიტიკური პლატფორმის ჩამოყალიბებას. ამასთან დაკავშირებით საბოლოო გადაწყვეტილება მიღებული არ არის. სულ რამდენიმე დღეში გახდება ცნობილი, ვინ იქნება ამ პოლიტიკური პლატფორმის სასტარტო შემადგენლობაში. ასე რომ, დაველოდოთ, სულ რამდენიმე დღე დარჩა“, – აღნიშნა ბაჩო დოლიძემ.
ნიკა გვარამიას პარტიის ახალი წევრი მაია კოპალეიშვილი გახდა, რომელიც საკონსტიტუციო სასამართლოში სალომე ზურაბიშვილის ინტრესებს იცავდა. ჯერ ისევ უცნობია საარჩევნო მარათონში ნიკა გვარამია და ნიკა მელია ერთად ჩაერთვებიან თუ არა. სავარაუდოდ, უახლოეს პერიოდში გაირკვევა ნიკა მაჭუტაძის ბედიც, იქნება თუ არა ის ნიკა მელიას საარჩევნო სიაში. მან საკუთარი საარჩევნო ნომერი ნიკა მელიას მიმდინარე კვირას დაუთმო.