“მოკლედ, რა თაღლითებიც ბიზნესში იყვნენ, იმავე მეთოდებით ცდილობენ პოლიტიკაში მოითბონ ხელი,” – ასე ეხმიანება სოციალურ ქსელში „ხალხის ძალის” წევრი ზურაბ ქადაგიძე პარტია „ლელოს“ მიერ პენსიების ზრდასთან დაკავშირებულ სხვადასხვა განცხადებებს.
ქადაგიძის თქმით, „ლელო“ საზოგადოებაში “პრობლემური სესხივით” ჩამოყალიბდა და ყოველდღე მათივე გაცემულ პირობას აკორექტირებენ.
„ეფექტური პოლიტიკური განაკვეთი… ჯერ 1000-ლარიანი “ სესხი” დაამტკიცეს და მერე დაიწყეს, რომ მოსაკრებელი, ნომინალური, ინდექსირებული გადასახადი, ეფექტური პროცენტი და მომსახურების საკომისიოს გათვალისწინებით, 4-5 წელიწადში შეძლებთ ათვისებასო.
მოკლედ, რა თაღლითებიც ბიზნესში იყვნენ, იმავე მეთოდებით ცდილობენ პოლიტიკაში მოითბონ ხელი. გუშინ მეორე “ხანდაზმული თაღლითი” ჯაფარიძე ალაპარაკეს – ჩვენ არავის გასახლებას ვაპირებთ და ხაზარაძის ნათქვამი ივანიშვილზე, არასწორ კონტექსტში გაიგო ხალხმაო…
“პრობლემური სესხივით”, რომ ჩამოყალიბდით საზოგადოებაში თქვე საცოდავებო თუ ატყობთ, ყოველდღე თქვენივე გაცემულ პირობას აკორექტირებთ?!
ვერ გაიგო ამ ხალხმა, რომ თაღლითი უნივერსალურია – ბიზნესშიც და პოლიტიკაშიც! ( ბიძია-ბაბუას ხმით)“ – წერს ზურაბ ქადაგიძე Facebook-ზე.
