სინოდალური კომისიის გადაწყვეტილებით,მონანიების შემდეგ, დეკანოზ სპირიდონ ცქიფურიშვილს სრულად აღუდგა მღვდელმსახურების უფლება. ამ ინფორმაციას საპატრიარქო ავრცელებს, სადაც სინოდალური კომისიის სხდომა გაიმართა :
“ტყიბულისა და თერჯოლის ეპარქიის მღვდელმსახურმა, დეკანოზმა სპირიდონ ცქიფურიშვილმა კომისიის წევრების წინაშე ითხოვა შენდობა მასმედიის საშუალებით სასულიერო პირების მისამართით გაკეთებული შეურაცხმყოფელი განცხადებების გამო. მისი სინანულის საფუძველზე, კომისიამ შუამდგომლობით მიმართა ტყიბულისა და თერჯოლის ეპარქიის მიტროპოლიტ გიორგის (შალამბერიძე), რომ დეკანოზ სპირიდონ ცქიფურიშვილს სრულად აღუდგეს მღვდელმოქმედების უფლება”– ნათქვამია სინოდალური კომისიის გადაწყვეტილებაში.