ხელვაჩაურის მუნიციპალიტეტში, უხვი ნალექის მოსვლის შედეგად, საავტომობილო გზებზე განვითარებული მეწყრული პროცესების სალიკვიდაციო სამუშაოები ინტენსიურ რეჟიმში მიმდინარეობს.
დამეწყრილია როგორც ადგილობრივი მნიშვნელობის, ასევე ცენტრალური საავტომობილო გზები, სამუშაოები ჩართულია აჭარის საავტომობილო გზების დეპარტამენტისა და მუნიციპალიტეტის ბალანსზე არსებული ტექნიკა და ადამიანური რესურსი, შესაბამისი სამსახურები 24 საათიან რეჟიმში მუშაობენ, ყველა შემოსულ შეტყობინებაზე კეთდება შესაბამისი რეაგირება.
სალიკვიდაციო სამუშაოების მიმდინარეობას, ხელვაჩაურის მუნიციპალიტეტის მერი ზაზა დიასამიძე, საკრებულოს თამჯდომარე თენგიზ ირემაძესთან, საკრებულოს თავმჯდომარის მოადგილეებთან და სამსახურის წარმომადგენლებთან ერთად, სხვადასხვა ლოკაციებზე გაეცნო.
