უხვი ნალექის შედეგად, ხელვაჩაურის მუნიციპალიტეტის ტერიტორიაზე მეწყრული პროცესები განვითარდა, დაიმეწყრა როგორც ადგილობრივი მნიშვნელობის, ასევე ცენტრალური საავტომობილო გზები.
მიწის მასის ჩამოშლამ, გადაადგილების კუთხით რამდენიმე ლოკაციაზე შეფერხება გამოიწვია, ამ დროისთვის აქტიურად მუშაობს შესაბამისი ტექნიკა და მიმდინარეობს გაწმენდითი სამუშაოები.
ადგილზე, ხელვაჩაურის მუნიციპალიტეტის მერი ზაზა დიასამიძე, საკრებულოს თავმჯდომარე თენგიზ ირემაძე, მერის მოადგილეები, შესაბამისი სამსახურის წარმომადგენლები და საკრებულოს წევრები იმყოფებოდნენ.
მობილიზებულია, როგორც მუნიციპალიტეტის ბალანსზე არსებული ტექნიკა, ასევე აჭარის საავტომობილო გზების დეპარტამენტის ტექნიკა და ადამიანური რესურსი.
