ზოგიერთი ჩვენი კოლეგის გამოსვლით რომ ეხელმძღვანელა ხელისუფლებას, დღეს საქართველო ომში იქნებოდა გახვეული, – ასე გამოეხმაურა გაერთიანებული კომიტეტების სხდომაზე „ლელოს“ წევრის, ანა ნაცვლიშვილის დასმულ კითხვას „ევროპელი სოციალისტების“ ლიდერი ფრიდონ ინჯია.
„ზოგიერთი ჩვენი კოლეგის გამოსვლით რომ ეხელმძღვანელა ხელისუფლებას, დღეს საქართველო ომში იქნებოდა გახვეული. მადლობა მინდა ვუთხრა ხელისუფლებას, რომ საქართველოში მშვიდობაა. მშვიდობა, რომელმაც განაპირობა ის ეკონომიკური წინსვლა, რაც დღეს საქართველოშია“, – აღნიშნა ინჯიამ.
ანა ნაცვლიშვილის კითხვა საქართველოში რუსეთის მოქალაქეების შემოსვლას ეხებოდა. ოთხი კომიტეტის გაერთიანებულ სხდომაზე, მინისტრობის ოთხ კანდიდატს უსმენენ.