საქართველოს პრემიერ-მინისტრობის კანდიდატი ირაკლი კობახიძე ირაკლი ღარიბაშვილს პარტია „ქართული ოცნების“ თავმჯდომარედ არჩევას ულოცავს.
ის გუნდს და ბიძინა ივანიშვილს მადლობას უხდის, რომელმაც დაასახელა პრემიერად მისი კანდიდატურა პოლიტსაბჭოს სხდომაზე, ასევე, პოლიტსაბჭოს თითოეულ წევრს და დელეგატებს.
„პრემიერ-მინისტრის თანამდებობა არის ძალიან საპასუხისმგებლო პოზიცია და იმედი მაქვს, გუნდის იმედებს სათანადოდ გავამართლებ. ბუნებრივია, ძალიან მნიშვნელოვანი გამოწვევები გვაქვს და გუნდის ერთიანობა ამ შემთხვევაშიც საკვანძოა. როგორც მოგეხსენებათ, პარტიის წესდების თანახმად, პრემიერ-მინისტრობის კანდიდატის დასახელება არის პარტიის საპატიო თავმჯდომარის პრეროგატივა.
შესაბამისი პროცედურის მიხედვით, მიიღო პოლიტიკურმა საბჭომ ეს გადაწყვეტილება. კიდევ ერთხელ მადლობა ბატონ ბიძინა ივანიშვილს და პოლიტიკური საბჭოს თითოეულ წევრს ნდობისა და ამ გადაწყვეტილებისთვის“, – განაცხადა ირაკლი კობახიძემ.