საფრანგეთის პრეზიდენტმა, ემანუელ მაკრონმა განაცხადა, რომ უკრაინაში რუსეთის გამარჯვება ევროპისთვის დაუშვებელია.
ემანუელ მაკრონის თქმით, ევროპის დედაქალაქები მზად უნდა იყვნენ უკრაინის მხარდასაჭერად მანამ, სანამ ეს საჭიროა, თუნდაც აშშ-ის მონაწილეობის გარეშე.
“პირველ რიგში, ჩვენ მზად უნდა ვიყოთ დავიცვათ და მხარი დავუჭიროთ უკრაინას, რაც არ უნდა მოხდეს და როგორიც არ უნდა იყოს აშშ-ის გადაწყვეტილებები. დიდი შანსია, რომ აშშ კვლავაც ჩვენი პარტნიორი იქნება. მაგრამ მკაფიოდ უნდა გვესმოდეს, რომ უკრაინა ევროპის კონტინენტის ნაწილია. და რაც არ უნდა გააკეთოს აშშ-მა, ჩვენ უნდა მივიღოთ სწორი და გაბედული გადაწყვეტილება უკრაინისა და უკრაინელი ხალხის მხარდასაჭერად”, – აღნიშნა საფრანგეთის პრეზიდენტმა.
“შეუძლებელია რუსეთს ამ ომში მოგების უფლება მივცეთ, რადგან რუსეთის გამარჯვება ნიშნავს, რომ უსაფრთხოების არქიტექტურა ჩვენს კონტინენტზე აღარ არსებობს”, – თქვა მაკრონმა.