უკრაინის გამარჯვება ევროპის უსაფრთხოების საუკეთესო გარანტიაა, – განაცხადა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა ფრანგულ გამოცემა L’OBS-ში გამოქვეყნებულ სტატიაში.
“ჩვენ უნდა მივაწოდოთ უკრაინას მისი ტერიტორიის გასათავისუფლებლად საჭირო საშუალებები, მათ შორის შორ მანძილზე მოქმედი რაკეტები და სხვა მოწინავე სისტემები. ჩვენ ასევე უნდა გავაძლიეროთ უკრაინის საჰაერო თავდაცვა”, – წერს ჟოზეფ ბორელი.
საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის თქმით, ევროკავშირი ვერ დაუშვებს პუტინის გამარჯვებას.
“ჩვენი უსაფრთხოება სასწორზეა. თუ პუტინის სტრატეგია წარმატებული აღმოჩნდება, ეს წაახალისებს რუსეთსა და სხვა რეჟიმებს, განახორციელონ თავიანთი იმპერიალისტური მიზნები. [..] ასეთი სცენარის დაშვება ჩრდილს მიაყენებს ჩვენს მომავალს ათწლეულების განმავლობაში”, – განაცხადა ბორელმა.