IMG.GE IMG.GE ___________________________________ IMG.GE

ადიგენის მუნიციპალიტეტის სოფელ უდეში, წმ. ანთიმოზ ივერიელის ხსენების დღე აღინიშნა. დღესასწაული ,,ანთიმოზობა“ ღვთისმშობლის მიძინების სახელობის ტაძარში სადღესასწაულო წირვა-ლოცვა დაიწყო, რომელიც ახალციხისა და ტაო–კლარჯეთის მიტროპოლიტმა მეუფე თეოდორემ აღავლინა.

საღვთო ლიტურღიას სახელმწიფო რწმუნებული სამცხე-ჯავახეთის მხარეში ბესიკ ამირანაშვილი, ადიგენის მუნიციპალიტეტის მერი ზაქარია ენდელაძე, საკრებულოს თავმჯდომარე იმედა მღებრიშვილი და მხარის სხვა ხელმძღვანელი პირები ესწრებოდნენ. საზეიმო წირვა–ლოცვის შემდეგ ადიგენის მუნიციპალიტეტში არსებულმა წოდებებისა და ჯილდოების მიმნიჭებელმა კომისიამ, ადიგენის მუნიციპალიტეტის მიმართ გამოჩენილი განსაკუთრებული ყურადღებისა და ღვაწლისთვის ადიგენის სპატიო მოქალაქის სტატუსი მიანიჭა ორ გამორჩეულ ადამიანს, უდის ანთიმოს ივერიელის სახელობის მამათა მოანსტრის წინამძღვარს არქიმანდრიტ გრიგოლ(ქურციკიძეს) და აბასთუმნის ფილტვის ცენტრის დირექტორს რევაზ ჟღენტს.

ადიგენის მუნიციპალიტეტის მერიისგან, მათ შესაბამისი მედლები და სიგელები გადაეცათ. სოფელ უდეში “ანთიმოზობის” დღესასწაული 2005 წლიდან აღინიშნება. დღესასწაული ცნობილი საეკლესიო და საერო მოღვაწის ანთიმოზ ივერიელის (ანდრია ხურციძე-მერაბიშვილის), როგორც ამ სოფლის მკვიდრის, ხსოვნის პატივსაცემად იმართება.

კომენტარის დატოვება
IMG.GE