საქართველოს პარლამენტის განათლებისა და მეცნიერების კომიტეტი სოციალურ ქსელში ერთ-ერთი მოქალაქის მიერ გავრცელებულ მოსაზრებებს ეხმიანება.
როგორც კომიტეტის განცხადებაშია აღნიშნული, სოციალურ ქსელში გავრცელდა მოქალაქე ელიზაბედ ბადაშვილის გამოთქმული მოსაზრებები, რომელმაც საზოგადოების გულწრფელი და აბსოლუტურად სამართლიანი აღშფოთება გამოიწვია.
„ბადაშვილს პირად გვერდზე მითითებული აქვს, რომ მუშაობს საქართველოს პარლამენტის განათლებისა და მეცნიერების კომიტეტში, რაც სიმართლეს არ შეესაბამება. ელიზაბედ ბადაშვილი არ არის და არასდროს ყოფილა, არც კომიტეტის და არც საქართველოს პარლამენტის აპარატის თანამშრომელი.
ბადაშვილი განათლებისა და მეცნიერების კომიტეტთან არსებულ სამეცნიერო-საკონსულტაციო საბჭოს მუშაობაში მონაწილეობს, როგორც ზოგადი განათლების ექსპერტი. საბჭო 1 წლის წინ, სხვადასხვა შეხედულებების მქონე განათლების სფეროს ათეულობით ექსპერტისგან დაკომპლექტდა.
განათლებისა და მეცნიერების კომიტეტი გმობს და კატეგორიულად ემიჯნება რა ელიზაბედ ბადაშვილის მიერ გამოთქმულ მოსაზრებებს, უახლოეს სხდომაზე განიხილავს საბჭოში მისი ყოფნის მიზანშეწონილობის საკითხს“, – აცხადებენ კომიტეტში.
ელიზაბედ ბადაშვილმა სოციალურ ქსელში დაწერა: „220 ბავშვი გარდაიცვალა და ორი ამდენი დაიჭრა, რამდენს ამოუტირებული აქვს ხელი ან ფეხი არ ვიცი… ამ დროს ერთი ბავშვის მე-10 სართულიდან გადმოვარდნამ შეძრა მთელი საზოგადოება!“.