სრულიად გაუგებარი და მიუღებელია როდესაც ევროკავშირის წევრი სახელმწიფოს ელჩი ერთ-ერთში იმეორებს რადიკალური ოპოზიციის შეფასებებს ბიძინა ივანიშვილთან დაკავშირებით, – ამის შესახებ თბილისის საკრებულოს წევრი, ვლადიმერ ბოჟაძე, სოციალურ ქსელში წერს.
მისი თქმით, გარდა იმისა, რომ საქართველოში დანიის ელჩის, ანე ტოფტ სორენსენის განცხადება, რომ „ბიძინა ივანიშვილი ოლიგარქია და ქონება რუსეთში დააგროვა“ ტყუილის ტირაჟირებაა, პირადპირ ეწინააღმდეგება ევროკომისიის დათქმებიდან ერთ-ერთს, პოლიტიკური პოლარიზაციის შემცირებასთან დაკავშირებით.
“სრულიად გაუგებარი და მიუღებელია როდესაც ევროკავშირის წევრი სახელმწიფოს ელჩი ერთ-ერთში იმეორებს რადიკალური ოპოზიციის შეფასებებს ბიძინა ივანიშვილთან დაკავშირებით. ტყუილი და დეზინფორმაცია ,,ნაციონალური მოძრაობის” სავიზიტო ბარათია, მაგრამ დანიის სამეფოს ელჩისგან ამის ტირაჟირება პირდაპირ ეწინააღმდეგება ევროკომისიის 9 დათქმიდან ერთ-ერთს: ,,პოლიტიკური პოლარიზაციის წინააღმდეგ დამატებითი ბრძოლა”. ვფიქრობ საზოგადოებისთვის საინტერესო იქნება ქალბატონი ელჩისგან განმარტებების მოსმენა, რატომ იმეორებს ხაბეიშვილის ტექსტებს? რატომ აძლევს რადიკალური ოპოზიციის მართვად ტელევიზიებს საშუალებას, მისი მცდარი განცხადებები გამოიყენოს პოლიტიკური დაპირისპირებისთვის?
დაველოდოთ, დანიის სამეფოს ელჩის განმარტებებს, ის საგარეო საქმეთა სამინისტროშია დაბარებული.”- წერს ვლადიმერ ბოჟაძე Facebook-ზე.