“ნუ წვავთ ამ დამპალ დროშებს!!! ნუ აძლევთ საშუალებას ქართულ ევრო-თალიბანს ქართველები დააპატიმროს და ამით მიიღოს გრანტები და მფარველობა გლობალისტი პატრონებისგან!!! ის ლგბტ დროშის დამხევი ბიჭები დღემდე რომ ციხეში არიან გახსოვთ?!
ის გაპონი და გაპონჩიკები ვინც ხალხის დაჭერაზე ფულს აკეთებს, ის საერთოდ ადამიანია?! მოკლედ, სრული სიბინძურეა ეს ქართული პოლიტიკა!”– წერს სოციალურ ქსელში მხატვარი შოთა გლურჯიძე, რომელიც ეხმიანება “ალტ-ინფო”-ს წარმომადგენლების მიერ, პატიმარ ლაშა შარუხიას მიმართ სოლიდარობის ნიშნად დაწყებულ კამპანიას, რაც ევროკავშირის დროშის დაწვას გულისხმობს.
ლაშა შარუხია 15 დეკემბერს, მცხეთის მუნიციპალიტეტის შენობიდან ევროკავშირის დროშის ჩამოხსნისა და დაწვის შემდეგ დააკავეს, გამოძიება მას 187-ე მუხლის მეორე ნაწილს ედავება, რაც სხვისი ნივთის დაწვით განადგურებას გულისხმობს.