დიდუბის რაიონის გამგეობა დიდუბისა და დიღმის მასივის ბინათმესაკუთრეთა ამხანაგობებში საერთო სარგებლობის ინფრასტრუქტურის მოწესრიგებას განაგრძობს. სხვადასხვა პროექტთან ერთად, აქტიურად მიმდინარეობს კორპუსების დაზიანებული სახურავების განახლება. დიღმის მასივის მესამე კვარტლის მე-17 კორპუსში დაზიანებული ბრტყელი სახურავის რეაბილიტაცია დასრულდა. სამუშაოები 800 კვ.მ ფართობზე განხორციელდა და მისმა ღირებულებამ 25 574 ლარი შეადგინა. მიმდინარე წელს დიდუბის რაიონის გამგეობამ დაზიანებული ბრტყელი და ქანობიანი სახურავი 23 მისამართზე შეაკეთა, რისთვისაც ადგილობრივი ბიუჯეტიდან 608 849 ლარი გამოიყო.