დიდუბის რაიონის გამგეობა დიღმის მასივის მესამე კვარტლის პირველი ა კორპუსის მიმდებარედ მოსასვენებელ სივრცეს აწყობს. სამუშაოები უკვე დასკვნით ეტაპზეა და უახლოეს პერიოდში დასრულდება.
სივრცეში უკვე გაკეთდა საფეხმავლო ბილიკები, განათების სისტემა, საბავშვო სივრცე, იგეგმება გამწვანების მასშტაბური ღონისძიებები. მოსასვენებელი სივრცე ასევე ეწყობა აღნიშნული მისამართის მიმდებარედაც, რომელიც წლების განმავლობაში სამშენებლო ნარჩენების გამო ნაგავსაყრელად იყო გადაქცეული. ამასთან, მოსახლეობის მოთხოვნით დიდუბის რაიონის გამგეობა ტერიტორიაზე ძაღლების სასეირნო სივრცესაც აწყობს. სამუშაოები 896 000 ლარის ღირებულების ხელშეკრულების ფარგლებში ხორციელდება. მიმდინარე პროცესს დიდუბის რაიონის გამგებელი ვლადიმერ ძნელაძე მოადგილე ზურაბ უგულავასთან და პარლამენტის დეპუტატ ირმა ზავრადაშვილთან ერთად გაეცნო.