___________________________________
საქალაქო სასამართლომ ქურდული სამყაროს წევრობის ბრალდებით დაკავებულებს აღკვეთის სახით პატიმრობა შეუფარდა.
მოსამართლემ ბრალდების პოზიცია გაიზიარა და განმარტა, რომ არსებობდა მოწმეებზე ზემოქმედების ახალი დანაშაულისა და მიმალვის საშიშროება, რის გამოც ყველა დაკავებული პატიმრობაში დატოვა.
ექვსს პატიმრობა ადგილზე შეეფარდა, ერთი იარაღის უკანონოდ შეძენა შენახვისთვის იხდის სასჯელს, ხოლო სამი თურქეთში იმყოფება და პატიმრობა დაუსწრებლად შეეფარდათ.
დაცვის მხარე დაკავებულების უდანაშაულობაზე საუბრობს. თამარ აბესაძის თქმით, ბრალდების მხარემ მათი დაცვის ქვეშ მყოფების მიმართ მტკიცებულებები ვერ წარმოადგინეს.
ამასთან, ერთ-ერთი ადვოკატი, რომელიც ვლადიმერ მიქაშვილის უფლებებს იცავს, გადაწყვეტილებას გაასაჩივრებს, რადგან მისივე თქმით, მისი ჯანმრთელობის მდგომარეობა უკიდურესად მძიმეა.
ცნობისათვის, პოლიციამ „კანონიერი ქურდობის“, „ქურდული სამყაროს“ წევრობის, „ქურდული სამყაროს“ წევრისთვის მიმართვისა და „ქურდული სამყაროს“ საქმიანობის მხარდაჭერის ბრალდებით დააკავა და სისხლის სამართლებრივ პასუხისგებაში 10 პირი მისცა. ამის შესახებ გუშინ გახდა ცნობილი.
ლევან ვასაძისგან მესამე ძალა ვერ გამოვა – გია აბაშიძე