პოლონეთმა უკრაინას 200-ზე მეტი T-72 ტიპის ტანკი და რამდენიმე ათეული ჯავშანტექნიკა მიაწოდა. ინფორმაციას ამის შესახებ პოლონური რადიო ავრცელებს.
უკრაინაში რუსეთის შეჭრის დაწყებიდან დღემდე, პოლონეთმა უკრაინას 1.6 მილიარდ დოლარზე მეტი ღირებულების იარაღი და საბრძოლო მასალა გადასცა.
25 აპრილს, პოლონეთის პრემიერ-მინისტრმა, მატეუშ მორავეცკიმ განაცხადა, რომ პოლონეთმა უკრაინას ტანკები მიაწოდა.
- პოლონეთის პრემიერის განცხადებით, პოლონეთმა უკრაინას ტანკები მიაწოდა
„დიახ“, – უპასუხა პოლონეთის პრემიერ-მინისტრმა კითხვაზე, გააგზავნა თუ არა პოლონეთმა ტანკები უკრაინაში. მან უარი თქვა დამატებითი დეტალების გამჟღავნებაზე, მათ შორის გაგზავნილი ტანკების რაოდენობის შესახებ.