IMG.GE ___________________________________ IMG.GE

„მიდის მსჯელობა იმაზე, რამდენად დასაშვები იქნება, რომ აბიტურიენტმა პირბადის გარეშე იმუშაოს“, – ამის შესახებ ჯანდაცვის მინისტრის პირველმა მოადგილე თამარ გაბუნიამ „დღის კურიერის” ეთერში განაცხადა.

მისივე თქმით, განათლების სამინისტრომ ჯანდაცვის სამინისტროს რეკომენდაციით, ეროვნული გამოცდებისთვის შექმნა ბარიერით აღჭურვილი მაგიდები და შესაბამისად, ახლა მიდის მსჯელობა იმაზე, ამ შემთხვევაში რამდენად დასაშვები იქნება, პირბადის გარეშე მუშაობა.

„მისაღებ გამოცდებთან დაკავშირებით ჩვენ ძალიან ბევრი რეკომენდაცია გავიარეთ და შენიშვნებიც მივიღეთ. საზოგადოების მოლოდინი, გარკვეულწილად, არაერთგვაროვანი იყო. პირბადე არის ბარიერი იქ, სადაც სხვაგვარი ბარიერის შექმნა შეუძლებელია, ვგულისხმობ პლასტიკატის, გამჭვირვალე ბარიერს, რომელიც იცით, რომ მაღაზიაში ან ავტობუსის მძღოლების შემთხვევაში შევქმენით.

განათლების სამინისტრომ, ჯანდაცვის სამინისტროს რეკომენდაციების საფუძველზე მაგიდების ადაპტირება გააკეთა და შექმნა ბარიერით აღჭურვილი მაგიდები. ამდენად, იქ სადაც უკვე უშუალოდ მუშაობას შეუდგება აბიტურიენტი და იქნება მის წინ ბარიერი, ახლა მიდის მსჯელობა იმაზე, რომ ამ შემთხვევაში რამდენად დასაშვები იქნება, რომ იმუშაოს პირბადის გარეშე. ამ დღეებში ჩვენ გვექნება დაზუსტებული პასუხი ამასთან მიმართებაში.

ვენტილატორებთან და კონდიცირებასთან დაკავშირებით, ასევე, ძალიან ბევრი დებატია და, ჯერჯერობით, კონდიცირების სისტემის გამოყენებასთან დაკავშირებით სიფრთხილისკენ მოგვიწოდებენ, რასაც ჩვენ ვაპირებთ გამოცდების პროცესში”, – განაცხადა თამარ გაბუნიამ.

ერთიანი ეროვნული გამოცდები 6 ივლისიდან დაიწყება.

კომენტარის დატოვება
IMG.GE
გაზიარება