იყო ძლიერი წვიმა, შესაბამისად, რამდენიმე ლოკაციაზე გამოიწვია მეწყერი, სადაც ამ დროისთვის გზის აღდგენითი სამუშაოები მიმდინარეობს, – ამის შესახებ ქობულეთის მუნიციპალიტეტის მერმა, ლევან ზოიძემ განაცხადა.
„ასევე, გადმოვიდა მდინარე აჭყვა და დაიტბორა ბაზრის მიმდებარე ტერიტორია. რა თქმა უნდა, დაითვლება ზარალი, ჩვენს ხალხს დავუდგებით გვერდით და ზიანი იქნება ანაზღაურებული“, – აღნიშნა ზოიძემ.
ქობულეთში ამ დროისთვის უხვი ნალექის შედეგად გამოწვეული ზიანის სალიკვიდაციო სამუშაოები მიმდინარეობს.