ბათუმში კონფერენცია სახელწოდებით „მუნიციპალიტეტების როლი ევროპის სამეზობლო პოლიტიკის განხორციელებაში“ გაიმართა.
კონფერენცია CORLEAP-ის თანათავმჯდომარემ, თბილისის საკრებულოს თავმჯდომარის მოადგილე ზურაბ აბაშიძემ და ბათუმის მერმა, ათეას ვიცე-პრეზიდენტმა არჩილ ჩიქოვანმა გახსნეს.
კონფერენციას ხელვაჩაურის მუნიციპალიტეტის მერი ზაზა დიასამიძე, საქართველოს მუნიციპალიტეტების მერები, CORLEAP-ის წევრი ქვეყნებიდან წარმოდგენილი 50-მდე დელეგატი და ათეას მიერ ევროპის საბჭოს კონგრესში წარდგენილი დელეგაციების წარმომადგენლები ესწრებოდნენ.
კონფერენციის მონაწილეებმა განიხილეს თვითმმართველი ერთეულების როლი კარგ მმართველობასა და ტერიტორიულ განვითარებაში და გააზიარეს აღნიშნული მიმართულებით, საკუთარ მუნიციპალიტეტებში განხორციელებული საუკეთესო მაგალითები.
ღონისძიება საქართველოს ადგილობრივ თვითმმართველობათა ეროვნული ასოციაციისა (ათეა) და ბათუმის მუნიციპალიტეტის მერიის მხარდაჭერით გაიმართა.
