ხელვაჩაურის მუნიციპალიტეტის მერი ზაზა დიასამიძე იაპონიის ელჩს საქართველოში, იშიძუკა ჰიდეკის შეხვდა.
შეხვედრას ხელვაჩაურის მუნიციპალიტეტის საკრებულოს თავმჯდომარე თენგიზ ირემაძე, საქართველოს პარლამენტის მაჟორიტარი დეპუტატები ანზორ ბოლქვაძე მერის მოადგილე მირიან კვირიტიძე, საგრანტო კონსულტანტები მეკო ჩაჩავა და ნორიკო ჰაშიმოტო ესწრებოდნენ.
მერმა, ელჩს წარმატებები უსურვა მომავალ დიპლომატიურ საქმიანობაში და მადლობა გადაუხადა საგრანტო პროგრამის “ადამინის უსაფრთხოების” ფარგლებში, იაპონიის საელჩოდან მიღებული გრანტის სახით შეძენილი ქონების (ექსკავატორის) გადმოცემისთვის, მრავალფუნქციური ექსკავატორი ხელს შეუწყობს ბუნებრივი კატასტროფების რისკის შემცირებას.
🇬🇪🇯🇵შეხვედრის ფარგლებში ყურადღება გამახვილდა ორი ქვეყნის თანამშრომლობაზე სხვადასხვა მიმართულებით, კულტურის, ეკონომიკის, ტურიზმისა და განათლების სფეროებში შემდგომი თანამშრომლობის შესახებ.
🇯🇵იაპონიის ელჩმა მაჭახლის „ეთნოსოფელი“ მოინახულა და აჭარის ტურიზმისა და კურორტების დეპარტამენტის მიერ მომზადებულ პრეზენტაციას, აჭარის ტურისტული პოტენციალის შესახებ დაესწრო.