თბილისის საქალაქო სასამართლოს მოსამართლემ ქეთევან ჯაჯვაძემ 10-ვე ბრალდებულს აღმკვეთი ღონისძიების სახით პატიმრობა შეუფარდა.
პროცესი სამ საათზე მეტ ხანს გაგრძელდა. ბოლო ათწლეულის ერთ-ერთი ყველაზე სასტიკი დანაშაულის საქმეზე როინ შავაძის ოჯახი სამართლის აღსრულებას ელის.
პროკურატურამ ათი პირის მიმართ სისხლის სამართლებრივი დევნა გუშინ დაიწყო. უკანონო დაკავება, განზრახ მკვლელობა და სამსახურებრივი უფლებამოსილების გადამეტება – ეს არის მუხლები, რომელსაც ბრალდება დაკავებულებს ედავება.
ამ საქმეზე სტრასბურგის ადამიანის უფლებათა ევროპულმა სასამართლომ სიცოცხლის უფლების როგორც პროცედურული, ასევე არსებითი ნაწილის დარღვევა დაადგინა.
საქართველოს გენერალურმა პროკურატურამ თავდაცვის სამინისტროს ბრიგადის სერჟანტის 2008 წლის აგვისტოს ომის მონაწილის როინ შავაძის უკანონო დაკავების, განზრახ მკვლელობის და სამსახურებრივი უფლება-მოსილების გადამეტების ბრალდებით, სისხლის სამართლებრივი დევნა 10 პირის მიმართ დაიწყო.
SOS – დავტოვე “პატრიოტთა ალიანსი” – ვაჟა ოთარაშვილი