თუ გადახედავთ რუსეთის ისტორიას საუკუნეების განმავლობაში, ნახავთ, რომ არც ისეთი იოლია, რუსები შეაკავო მხოლოდ ეკონომიკური ურთიერთდამოკიდებულებით, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ურუგვაიში ვიზიტისას ადგილობრივი მედიის წარმომადგენელთან, ინტერვიუში განაცხადა.
„დასავლეთში სჯეროდათ, რომ ეკონომიკური ურთიერთდამოკიდებულების გამო, რუსეთი ორჯერ დაფიქრდებოდა, ვიდრე მეზობელზე თავდასხმას გადაწყვეტდა, მაგრამ ეს, ერთის მხრივ ალბათ უფრო მათი სურვილი იყო, მეორეს მხრივ, კი ეს იყო ერთგვარი მიამიტობა დასავლეთის მხრიდან. თუ გადახედავთ რუსეთის ისტორიას საუკუნეების განმავლობაში, ნახავთ, რომ არც ისეთი იოლია, რუსები შეაკავო მხოლოდ ეკონომიკური ურთიერთდამოკიდებულებით“, – განაცხადა სამხარაძემ.