„ქართული ოცნების“ თავმჯდომარე, ირაკლი კობახიძე დავით არახამიასა და ნიკა გვარამიას შესაძლო თანამშრომლობაზე სოციალურ ქსელში გამოქვეყნებულ პოსტს გამოეხმაურა.
„არავითარი ფასი არ აქვს არც ჩემთვის, არც დარწმუნებული ვარ, საზოგადოებისთვის, ამ ყველაფერს. ისედაც ვიცოდით, რომ ესენი არიან ერთად: სააკაშვილი, არახამია, გვარამიაც ამ პოლიტიკური პარტიის წარმომადგენელია. შესაბამისად, სიახლესაც კი ვერ დავარქმევ იმ ფოტოს, რომელიც გამოქვეყნდა. ეს არის ერთი პოლიტიკური პარტია“, – განუცხადა კობახიძემ ჟურნალისტებს.